Թիվ 34 ԸԸՀ-ում առաջիկա խորհրդարանական ընտրությունների ժամանակ թեժ մրցապայքար է սպասվում: Հանրապետական կուսակցությունը նոր վերադասավորումներ է իրականացնում: Արդեն հայտնի է, որ Սուքիաս Ավետիսյանը նախորդ ընտրությունների նման մեծամասնական ընտրակարգով չի առաջադրի իր թեկնածությունը թիվ 34 ընտրատարածքում: Նման որոշում է կայացրել կուսակցության ղեկավար մարմինը: Սուքիաս Ավետիսյանը կառաջադրվի համամասնական ընտրակարգով, իսկ իր փոխարեն 34 ընտրատարածքում ԲՀԿ-ական Մարտուն Գրիգորյանի հետ կպայքարի «Շիրակ» ֆուտբոլային թիմի նախագահ Արման Սահակյանը: Մյուս ընտրատարածքներում ամեն ինչ դեռեւս հստակ չէ, սակայն նախնական տեղեկություններ կան առաջադրվող թեկնածուների մասին:
ավելին

ՀՀ կառավարության՝ մարզերի խիստ անապահով ընտանիքներին որպես օգնություն տրամադրվող բուսական յուղի բաժանման ժամկետն այսօր ավարտվում է: Հիշեցնենք, դեռեւս անցած տարեւերջին վարչապետ Տիգրան Սարգսյանի որոշմամբ, որպես ամանօրյա նվեր, հանրապետության առավել խոցելի խավին, սկսեցին սոց ծառայություններում բաժանել կառավարության օգնություն բուսական յուղերը: Գյումրու սոցիալական ծառայություններում հաշվառված 10-ը հազար եւ ավելի ընտանիքներից յուրաքանչյուրին նախատեսված էր տրամադրել 3 շիշ ձեթ: Եւ տոներից առաջ իսկական իրարաանցում էր Գյումրիի սոց ծառայություններում, որոնց դիմաց վաղ առավոտ ժամը 7-ից հերթեր ու մարդկային կուտակումներ էին: Բնակիչները դժգոհում էին, թե ժամերով կանգնում են օգնություն ստանալու համար: ՈՒստի նպատակահարմար համարվեց բուսայուղի տրամադրման ժամկետները երկարացնել : Կառավարության սահամանած 20 օրյա ժամկետն ավարտվեց այսօր: Գյումրու սոցիալական ծառայություններում դեռեւս կային քաղաքացիներ, ովքեր օգնություն յուղն ստանում էին այսօր:
ավելին

Գյումրիում ավարտին են մոտենում կառուցվող բազմապրոֆիլ հիվանդանոցի շինաշխատանքները: Աշխատանքային այցով այսօր Գյումրի ժամանած առողջապահության նախարարը այցելել է բազմապրոֆիլ հիվանդանոցի շինհրապարակ, հետեւել ընթացող աշխատանքներին: Գյումրու առողջության կենտրոնում կատարված աշխատանքները Հարություն Քուշկյանին չեն գոհացրել,վերջինս շինարարներին հրահանգել է սեղմ ժամկետներում նախագծում փոփոխություններ կատարել: Հիվանդանոցը նախատեսված է շահագործման հանձնել ընթացիկ տարվա ապրիլին, սակայն եղանակային պայմանները զգալիորեն խոչընդոտում են շինաշխատանքների ընթացքին:
ավելին

Վերջին շրջանում Գյումրիում շրջանառվում են լուրեր այն մասին, որ մարզի բուժհաստատությունների ղեկավարներին հրահանգվել է ցուցակագրել իրենց աշխատակիցներին: Իսկ մամուլում տեղ գտած հրապարակումների համաձայն յուրաքանչյուր բուժհիմնարկից պահանջվել է առնվազն 40 աշխատակից, ովքեր առաջիկայում անդամագրվելու են հանրապետական կուսակցությանը եւ ստանալու են անդամատոմս: Գյումրիում սկիզբ առած քաղաքական զարգացումների մասին կարծիք են հայտնում ՕԵԿ, եւ Դաշնակցություն կուակցություների տեղի ներկայացուցիչները:
ավելին

Երեկվանից ձյուն է տեղում Շիրակի մարզում: Ձյան տեղումներն առատ են հատկապես Աշոցքի եւ Ամասիայի շրջաններում: Ձյան շերտի հաստությունը տեղ-տեղ հասնում է մինչեւ 10 սմ-ի:Սակայն Շիրակի մարզում փակ ճանապարհներ չկան: Այս մասին մեր գործընկերներին վստահեցրել է Շիրակի մարզպետարանի տրանսպորտի եւ ճանապարհաշինության բաժնի պատասխանատու Խաչատուր Խնձրցյանը:Ըստ նրա՝ ճանապարհները բոլորը բաց են, պարզապես դժվարանցանելի են: Եւ չնայած նրան, որ ձյուն մաքրող մեքենաներն աշխատում են, տեղումները եւս շարուակվում են եւ դժվարացնում երթեւեկությունը: Դժվարանցանելի են հատկապես գյուղամիջյան ճանապարհները, գյուղերի որոշ ավտոբուսներ այսօր Գյումրի հասել չեն կարողացել:
ավելին