Մարզպետարանի շենքի վերակառուցման նպատակով պետբյուջեից հատկացվել է 83 մլն. դրամ
Մարզպետարանում եւ կից կառուցվող նոր վարչական մասնաշենքում շինարարական աշխատանքները, որ մեկնարկել էին նախորդ տարվանից, դեռեւս ընթացքի մեջ են:
Նախորդ տարի հատկացված շուրջ 100 մլն դրամի շրջանակներում մասնաշենքում տանիքապատման աշխատանքներն ավարտվել են:
Այս տարի շինաշխատանքների հիմնական մասն ընթանում է հենց մասնաշենքի ներսում:
Աշխատանքների իրականացման նպատակով պետբյուջեից այս տարի եւս որոշակի գումար հատկացվել է:
Այս ընթացքում իրականացվող շինաշխատանքների պատճառով մասնաշենքից դուրս են եկել մի քանի վարչություններ եւ գործում են առանձին վայրերում:
Շինաշխատանքների ավարտից հետո բոլոր վարչական կառույցներն ու բաժինները մեկ տեղում համատեղելու ն սպասում են նաեւ մարզպետարանի առողջապահության եւ սոցիալական ապահովման վարչության պատասխանատուները:
Շուրջ 400 մլն դրամ ֆինանսավորում պահանջող շինաշխատանքները մարզի քաղաքաշինության վարչության պետի հավաստմամբ պետբյուջեից լրացուցիչ ֆինանսավորում ստանալու դեպքում հնարավոր է ավարտին հասցվեն մինչ տարեվերջ:
