2011 թ. պետական և ոչ պետական բարձրագույն ուսումնական հաստատությունների համար կստեղծվի հավասար մրցակցային դաշտ: «Ոչ պետական բուհերն հիմա ունեն ընդունելության բավականին պարզ ձև, որն անդրադառնում է կրթության որակի վրա», - ասում են ոլորտի ներկայացուցիչները՝ բարձրաձայնելով անհրաժեշտությունը, որ պետական և ոչ պետական բուհերի ընդունելությունը լինի հավասար պայմաններով, որպեսզի քննությունից անբավարար ստացած դիմորդը շատ հեշտությամբ չընդունվի մասնավոր ԲՈՒՀ:
Չի բացառվում, որ շատ մասնավոր ուսումնական հաստատություններ պարզապես չդիմանան մրցակցությանը: Բացատրում են պարզ. հավասար պայմաններ բոլոր բուհերի համար ասվածը մեղմ ասած Հայաստանի համար
չէ: Քանի որ այստեղ ի տարբերություն մասնավորների ՝ պետական բուհերը բազմաթիվ առավելություններ ունեն:
Օրինակ՝ օգտվում են պետական պատվերից, սովորողների ուսման վարձերը մի քանի անգամ բարձր են, քան մասնավորինը, ավելի քիչ են հարկ վճարում եւ այլն: Հետեւաբար, երբ վարչապետ
Տիգրան Սարգսյանը հայտարարում է , թե «Անկախ նրանից` բուհերը պետակա՞ն են, թե՞ մասնավոր, պետք է հավասար մրցակցային դաշտում գործեն», ուրեմն ոչ միյան միեւնույն պայմաններով հարկավոր է կազմակերպել կենտրոնացված ընդունելություն, այլ նաեւ պետական ու մասնավոր բուհերը պիտի գործեն հավասար իրավական դաշտում:
