Քաղաքական կյանքում շարունակաբար ընթացող զարգացումները ոչ միայն հասարակական, քաղաքական գործիչների, լրատվամիջոցների ուշադրության կենտրոնում են, այլ դառնում են լայն քննարկման թեմա նաեւ մեր երկրի շատ քաղաքացիների համար: Գյումրիում օրինակ, շատերն են հետաքրքրված քաղաքական վերջին գործընթացներով, մասնավորապես այն խնդրով, թե ինչո՞վ կարող են պայմանավորված լինել կոալիցիոն կուսակցությունների միջեւ առկա տարաձայնությունություններն ու հակասությունները: Ոմանք մտածում են, թե պատճառը առաջիկա խորհրդարանական ընտրություններն են եւ որ թեժ ընտրապայքար է սպասվում կուսակցությունների միջեւ: Շատերը խոսում են կոալիցիոն նոր հուշագրի ստորագրման մասին եւ այլն: Ներկայացնւմ ենք մեր համաքաղաքացիների շրջանում անցկացված լրագրողական փոքրիկ հարցախույցը: