Շիրակի մարզի 12 գյուղական բնակավայրերում ընթացիկ տարում նախատեսված է իրականացնել բնակարանաշինություն: Քաղաքաշինության նախարարությունը համապատասխան օրենսդրական փաթեթն արդեն ներկայացրել է կառավարությանը: Առաջիկա նիստում, ամենայն հավանականությամբ այդ հարցը եւս կքննարկվի, մեր լրագրողի հետ զրույցում նշել է Շիրակի մարզպետարանի քաղաքաշինության վարչությունից: Ծրագիրն իրականացվելու է երկու փուլով: Բնակարանաշինություն կիրականացվի այն համայնքներում, որտեղ կա 10-ից ավելի անօթեւաններ, իսկ թվով 20 համայնքների անօթեւանների կտրամադրվի բնակարանի գնման վկայագրեր: Համայնքներում, ներկայումս ընթանում է անօթեւանների փաստաղթերի ընդունման եւ ճշգրտման աշխատանքները, տեղեկացրել է Տիգրան Հարությունյանը: Նշենք, որ պետական բնակարանաշինության այս փուլից օգտվելու են նաեւ գյուղական համայնքների այն անօթեւանները, որոնց բնակարանները տուժել են երկրաշարժից եւ ներկայումս չորրորդ աստիճանի վթարայինության են: Բնակարանաշինություն իրականացվելու է մարզի Շիրակ, Բասեն, Հացիկ, Մարմաշեն, Կամո, Ջաջուռ, Մայիսյան, Գուսանագյուղ, Սառնաղբյուր, Քեթի եւ Ջրառատ համայնքներում: