Հարկային օրենսդրության վերջին փոփոխությունների առնվազն մի մասով կառավարությունը փաստացի ավելացնում է հարկային բեռը, որի մի էական հատվածը վերաբերվում է փոքր և միջին բիզնեսին: Այս կարծիքին են գյումրեցի հաշվապահներն ու գործարարները: Նրանք մասնավորապես դժգոհ են Արտոնագրային վճարների մասին և Հաստատագրված վճարների մասին ՀՀ Օրենքներում կատարված փոփոխություններից, որոնց արդյունքում գործունեության մի շարք տեսակներ, որոնք նախկինում հարկվում էին հաստատագրված վճարներով, ներկայում՝ սույն թվականի ապրիլի մեկից, սկսելու են հարկվել արդեն արտոնագրային վճարով: Ոլորտի մասնագետների գնահատմամբ՝ օրենսդրական այս փոփոխությունը ընդհանուր հաշվով չի բխում փոքր գործարարի շահերից եւ լրացուցիչ ֆինանսական դժվարություններ է ստեղծում դաշտում գործելու համար: