ՀՀ փաստաբաններն առաջիկայում մասնակցելու են սեմինար-դասընթացների, որոնց միջոցով ծանոթանալու են ընտրական նոր օրենսգրքի փոփոխություններին ու բոլոր նորամուծություններին: Փաստաբանների աշխատանքային պրակտիկայում սա առաջին դեպքն է, երբ ընտրությունների նախաշեմին ՀՀ փաստաբանների պալատը նման նախաձեռնությամբ է հանդես գալիս: Ինչու՞, ի՞նչ պատճառով է այդ մարմինը շահագրգռված, որ փաստաբանները լիարժեք տիրապետեն ընտրական բարեփոխումներին, արդյո՞ք ընտրությունների շրջանում ընտրական իրավունքի խախտման դեպքերն այդքան շատ են: Սրանք հարցեր են, որոնց պատասխանները չունեն նաեւ իրենք՝ փաստաբանները: Մի հարցում նրանք վստահ են, որ փաստաբանական պալատն ապաքաղաքականացված կառույց է եւ առաջիկա ընտրություններում ամենաքիչ դերակատարությունը փաստաբաններինն է: