Երեւանի թատրոնի եւ կիոնոյի պետական ինստիտուտի Գյումրու մասնաճյուղի մի քանի շրջանավարտներ պատրաստվում են դատական գործ սկսել իրենց բուհի նկատմամբ: Մասնավորապես մեզ ահազանգած շրջանավարտները դժգոհել են, որ բուհի ղեկավարությունը իրենց սխալ դիպլոմ է տրամադրել: Երիտասարդները նշել են, որ հնգամյա ուսուցման դիմաց իրենց շնորհվել է բակալավրի կոչում: Ինչը ըստ նախկին ուսանողների խանգարում է աշխատանք գտնելուն: Շրջանավարտների դժգոհությունների վերաբերյալ, մեր լրագրողը փորձել է պարզաբանում ստանալ բուհի Գյումրու մասնաճյուղի ռեկտորից: Հակոբ Զիլֆիմյանը նշել է, որ իրենք պարզապես ուսուցում են կազմակերպել, իսկ դիպլոմ ուսանողներին տրամադրել է մայր բուհը, հետեւաբար, եթե դժգոհություններ ունեն, ապա իրենց խնդիրը պետք է լուծեն մայրաքաղաքում: